虎年將至，一年一度英皇2010賀年歌新曲 + 精選在星期五推出，2009年香港經濟好似坐過山車一樣，大起大跌，起起落落，痛過傷過。香港人憑著不屈不撓的精神，再接再厲，成功扭轉困境。今年英皇繼續要為香港人打打氣，用歌聲帶給香港人正能量。而呢個重任就交俾由09年加盟英皇的古巨基加上阿Gill鍾欣桐帶領一眾英皇歌手…泳兒、鐘舒漫、陳偉霆、洪卓立的嶄新組合合力炮製2010賀年歌 “飛虎群星賀新歲”。由於這個嶄新組合關係，當日更吸引半百傳媒到來採訪。
拍攝MV當日，發生咗一個小插曲，因為其中一個鏡頭需要歌手同一時間拉動手紙炮，但正式拍攝時大家卻時間不一，以致需要NG多次，最後更因手拉紙炮不足需要跳拍其他鏡頭，仲要班女歌手都拉到手指發麻，幸好最後都能順利完成拍攝這個熱熱鬧鬧的鏡頭。
今年正值英皇十週年，今次賀年碟更加係加料炮製，除咗新賀年歌 “飛虎群星賀新歲” 之外，更加上歷年來英皇出品賀年歌。隨碟付送9首MV DVD，給歌迷一次過重溫十年來英皇賀年歌。 |